Parlamenti Evropian ka miratuar ditën e sotme rezolutën për emigracionin. Pas votimit, Presidenti i Grupit Social Demokrat Gianni Pittella tha se kjo rezolutë shkon përtej diferencave politike.
Në fjalën e tij ai nënvizoi se kjo çështje duhet përballuar bashkarisht nga të gjitha vendet e Evropës dhe jo vetëm nga 5 vende siç ndodh deri më tani me 80% të azilkërkuesve.
“Sot, duke votuar këtë rezolutë me një shumicë dërrmuese, Parlamenti Evropian tregoi se është larg rrugës së egoizmit të disa qeverive evropiane. Kjo rezolutë, kërkuar me forcë nga grupi ynë, shkon përtej dallimeve politike, sepse ajo përqendrohet mbi nevojën e përbashkët për të përballuar çështjen e imigracionit përmes një qasje të mirëfilltë holistike dhe evropiane. Parlamenti Evropian ka treguar rrugën për axhendën e migrimit Komisionit të ardhshëm. Parlamenti Evropian kërkon para së gjithash në Këshillin e ardhshëm të BEsë dhe të Komisionit Evropian që të krijoje një kuotë të detyrueshme për shpërndarjen e azilkërkuesve, pasi nuk është e drejtë që vetëm pesë shtetet anëtare të kenë 80% të kërkesave për azil”, tha Pittella më tej.
Më tej Pittella i bën thirrje vendeve të BE-së për më shumë kontribut dhe me një strategji afatgjatë.
“Ne gjithashtu i bëjmë thirrje BEsë të krijojë një mekanizëm të detyrueshëm për solidaritet, duke i bërë thirrje shteteve anëtare që të japin kontribute të mëdha për programet ekzistuese të risistemimit, sidomos për shtetet që nuk kanë kontribuar asgjë. Megjithatë, për të zgjidhur rrënjët e kësaj krize humanitare ne duhet të shikojmë nga Afrika, me një strategji afatgjatë. Për sa kohë që miliona njerëz afrikane nuk kanë zgjidhje për të ikur nga varfëria, diktatura, luftës dhe dhunës, flukset migratore kurrë nuk do të ndalet. Ne e dimë këtë, por ne ende nuk kemi bërë mjaft në lidhje me këtë gjë” Me tej ai shtoi se Parlamenti Evropian kërkon lëshimin e vizave humanitare në ambasadat e BEsë dhe zyrat konsullore ne vendet e treta duke përdorur legjislacionin ekzistues. “Duke votuar këtë rezolutë, Parlamenti i BEsë ka demonstruar se përfaqëson jo vetëm njerëzit evropiane, por edhe vetëdijen evropiane”, përfundon deklarata e tij.
Redaksia Online
(JavaNews.al)
