Më në fund Partia Demokratike e ka thyer bojkotin dhe është bërë pjesë e Komisionit të posaçëm Parlamentar për Reformën në Drejtësi.
Eduard Halimi, Oerd Bylykbashi, Arben Ristani, Gent Strazimiri dhe Fatmir Mediu do të jenë anëtarët e këtij komisioni, pasi janë propozuar nga PD.
Qysh nga muaj dhjetor kur u konstituua komisioni për Reformën në Drejtësi, Partia Demokratike nuk mori pjesë në asnjë seancë të tij, fillimisht për shkak të vendimit politik për të bojkotuar çdo veprimtari parlamentare, marrë shkas nga sherri mes deputetëve Strazimiri-Ndreu dhe Ndoka.
Komisioni i posaçëm tashmë është në fazën atë të rekomandimeve të ekspertëve pas gjetjeve të evidentuara prej tyre.
