Zëdhënësja e Partisë Demokratike, Ina Zhupa, ka reaguar për rastin e Xhisiela Malokut si dhe për kërkesën e bërë nga djali i deputetit, Rrahman Rraja, Rexhepi, i cili ka kërkuar të lirohet nga burgu me pretendimin se Xhisiela ka tërhequr denoncimin.
Përmes një statusi në rrjetin social “Facebook”, Zhupa ka deklaruar se kryeministri Rama vijon të mbrojë krimin dhe për këtë dënon viktimat.
Ajo shkruan se kjo kërkesë e bërë për lirim nga djali i deputetit, është një indice se Xhisiela është detyruar të tërheqë denoncimin ndaj Rexhepit.
“Rexhep Rraja ka kërkuar lirimin me pretekstin se Xhisiela ka tërhequr denoncimin! Po pse Xhisiela e paska tërhequr përsëri denoncimin? A u kërcënua përseri ajo? A u vërtetua vallë se cigaren e kishte fikur vetë në trupin e saj?
Xhisiela Maloku u filmua se fundmi teksa drejtonte një makinë të vitit 2017 që kushton mijëra euro. Gjithashtu, gazetarët vunë në dukje celular iPhone X dhe syze Guçi, që po ashtu kushtojnë qindra euro.
Ku mund ti ketë gjetur Xhisiela kaq shumë para?!A janë këto indicie se Xhisiela Malokun e kanë detyruar të tërheqë denoncimin, dhe a janë përfshirë nga prokuroria në hetim?Me Edi Ramën në krye të institucioneve, krimi është gjithmonë i pafajshëm dhe viktima fajtor”, shkruan Zhupa.
a.ç
