Pas fjalës së kryetares së LSI Monika Kryemadhit protestuesit kanë tentuar të hyjnë me forcë në Kuvend gjë që për momentin është penguar nga policia. Protestuesit kanë hedhur tymuese kundër policisë. Ky përshkallëzim erdhi pas thirrjeve të Kryemadhit. Nga selia e PD ndërkohë janë hedhur tymuese kundër policisë dhe gardës. Nderkohe mesohet se eshte plagosur edhe nje polic ne koke.
Pasi u kalua rrethimi i parë i policisë, ishte ndërhyrja e Forcave Speciale që rivendosi kordonin dhe sprapsjen e protestuesve. Protestuesit kanë hedhur tymuese dhe ngjyrues në drejtim të policëve.
PD dhe LSI do tentojnë sot të bllokojnë votimin në Kuvend për Kryeprokurorin e ri të Përkohshëm. Çështja e kryeprokurorit thelloi përplasjet mes pozitës dhe opozitës, pasi kjo e fundit nuk e mbështeti vendimin e mazhorancës për Kryeprokuror të Përkohshëm, duke e cilësuar këtë të fundit politik.
