Deputetja e Partisë Demokratike Orjola Pampuri, akuzon deputeten e PS-së Elisa Spiropali dhe deputetin Ervin Bushati se po sulmojnë me të pavërteta opozitën, për të mbrojtur pasurinë e tyre të paligjshme.
Në një deklaratë për mediat, deputetja e PD-së Pampuri, shprehet se deputetja e Partisë Socialiste Elisa Spiropali iu shtua sot listës së shërbëtoreve të oborrit të qeverisë për të sulmuar me të pavërteta opozitën, në mënyrë që të mbrojë pasurinë e saj personale.
Sipas deputetes së PD-së Pampuri, Spiropali u bë deputete pasi shfrytëzoi postin në Dogana për të vënë miliona euro. “Është fakt i njohur botërisht, se Spiropali u bë deputete pasi u publikuan të dhëna se e shfrytëzoi postin në Dogana për të vënë 5 milionë euro pasuri të paligjshme dhe ende nuk ka dhënë akoma asnjë shpjegim”, – tha Pampuri.
Po ashtu, deputetja Pampuri akuzon edhe deputetin e PS-së Ervin Bushati se ka përfituar pasuri të paligjshme.
“Elisa Spiropali, Ervin Bushati kundërshtojë platformën e opozitës, që do të sekuestrojë pasuritë e politikanëve të korruptuar dhe oligarkëve të lidhur me ta”, – tha ajo.
/b.d
