Patia Demokratike përmes Enkelejd Alibeajt ka hedhur sërish akuza ndaj Kryeministrit dhe Ministrit të Nrendshëm Tahiri, në lidhjen, sipas PD-së, të këtyre dy të fundit me banditin Emiliano Shullazi.
Sipas Alibeajt, denoncimi i djeshëm i PD se makina e Shullazit nuk është kontrolluar nga dogana në Durrës mbetet i vlefshëm edhe pas reagimit të drejtorisë së doganave, e cila po dje hodhi poshtë akuzat. Sipas PD-së reagimi dhe dokumentat e nxjerra për të vërtetuar pretendimet e doganave, në fakt vërtetojnë pretendimet e PD-së, se Shullazi ka kaluar në doganën e Durrësit dhe se nuk ka asnjë proceverbal kontrolli ndaj automjetit të tij.
“Pas denoncimit që bëmë dje për FUTJEN në doganën e Durrësit të Emiliano Shullazit me një makinë të blinduar, e cila as nuk u ndal dhe as nuk u kontrollua, Edi Rama vuri në shërbim të tij, gjithë shtetin dhe nxori një dokument, që në fakt vërteton akuzën tonë.
Vërteton kapjen e Doganave me Qebinin e dyshes Tahiri-Shullazi.
Dokumenti që nxori Edi Rama, ky dokument që shihni në ekran, tregon DALJEN e Shullazit nga dogana e Durrësit me një automjet Audi Q7 me targa AA 655 ME. E thotë vetë dokumenti: Dalja me 25 janar, ora 21.20.
Por dokumenti nuk tregon momentin e hyrjes, pikërisht atë moment që denoncuam dje.
Sepse Shullazi është kthyer 3 ditë më pas me makinë tjetër. Me makinë të blinduar. Dhe as nuk është ndalur e as nuk është kontrolluar.
Ku është dokumenti, dhe procesverbali i kontrollit gjatë futjes me 28 janar të Emiliano Shullazit me një makinë tjetër, të blinduar, në Pikën e Kalimit Kufitar në Durrës?
Me qëllim Rama mundohet të mashtrojë. Tregon një dokument tjetër për tjetër, për të mbuluar skandalin. Nuk sqaron dhe as hesht. Jo, jo. Mashtron! Mashtron për llogari të Emiliano Shullazit.
Pikërisht këtë denoncoi dje Partia Demokratike.
Me mashtrimin e tij, Edi Rama konfirmon publikisht dhe zyrtarisht lidhjen me Emiliano Shullazin dhe vërteton se ka vënë shtetin në shërbim të tij.”- thekson Alibeaj.
