Koordinatori për Ekonominë në Partinë Demokratike, Besart Kadia deklaroi se sipas raportit të fundit të “Heritage Foundation” Shqipëria ka humbur 11 vende krahasuar me vitin 2013.
Kadia u shpreh se Partia Demokratike sapo të vijë në pushtet do të vendosë tatim-fitimin për bizneset në 9% për të lehtësuar biznesin shqiptar nga taksa e komplikuar progresive e për të nxitur punësimin e rritjen ekonomike.
“Opozita prej ditësh disponon raportin e fundit të “Heritage Foundation” që fatkeqësisht e vendos Shqipërinë 11 vende më poshtë sesa viti 2013. Ashtu sic biznesi e di edhe raportet ndërkombëtare shprehen të shqetësuara për regresin që po ndodh me politikat ekonomike në Shqipëri ku shqetësues mbetet borxhi i lartë publik, presioni i lartë fiskal dhe shpenzimet publike jo efikase” – tha koordinatori i PD. /b.d
