Sikurse pritej, kryetari i Partisë Demokratike për 4 vitet e ardhshme do të jetë Lulzim Basha. Ai u rizgjodh si kreu i selisë blu pasi mori mbi 32 mijë vota të anëtarësisë së PD-së në votimet që u zhvilluan të dielën e 13 Qershorit.
Këtë të hënë, kreu i Komisionit Zgjedhor të PD-së, Jemin Gjana, shpalli zyrtarisht Bashën si fitues të garës.
“Bazuar në të dhëna, Komisioni Zgjedhor i PD shpall zyrtarisht fitues të garës për kryetar të PD, zotin Lulzim Basha”, tha Gjana.
Ai tha sot se në total kanë votuar 41,097 anëtarë. Gjana shtoi se vota të pavlefshme kanë rezultuar 413.
Rezultatet sipas kandidatëve, të bëra publike nga PD, janë:
Fatbardh Kadilli 781 vota
Edith Harxhi 983 vota
Lulzim Basha 32,882 vota
Agron Shehaj 6,038 vota
/a.r
