Dega e Partisë Demokratike në Shkodër ka sulmuar ish-kryetaren e Kuvendit Jozefina Topalli menjëherë pas deklaratës së saj ku akuzon Bashën për rënien e Partisë Demokratike. PD Shkodër deklaron se Topalli shfaqet sa herë që Rama është në pozitë të vështirë, ndërsa shprehet se është e habitshme që gjatë fjalës saj nuk tha asnjë fjalë për Valdrinin si trafikant droge.
Në deklaratën thuhet gjithashtu se Valdrin Pjetri u promovua nga Topalli për hatër të babait të tij edhe pse nuk kishte asnjë kontribut në parti.
“Sa here Rama eshte ne pozite te veshtire, shfaqet Jozefina Topalli duke sulmuar demokratet dhe Kryetarin Basha!
Rastesi apo sherbim ndaj Rames, kete e gjykojne vete qytetaret e Shkodres dhe te Shqiperise!
Çudia eshte se skishte asnje fjale per Valdrinin, si trafikant i denuar droge!
Asnje fjale per Ramen qe perdhosi dinjitetin e qytetareve te Shkodres me kandidatin e denuar per trafik droge!
Me gjasa eshte kujtuar, qe duke injoruar kontributin e cdo demokrati te ndershem, gjate kohes qe qeveriste PD, per hater te Luigjit, babait te Valdrinit dhe mikut te saj, e promovoje Valdrinin ne poste drejtuese, edhe pse pa asnje kontribut ne Partine Demokratike.
Koha kur interesi i demokrateve neperkembej per interesa personale, ka marre fund! Kete duhet ta kuptoje edhe znj. Topalli!
Partia Demokratike dhe demokratet e Shkodres dhe gjithe Shqiperise jane ne nje beteje te perditshme me te keqen dhe krimin e organizuar qe qeverise Shqiperine. Ne jemi te vendosur ta cojme deri ne fund betejen tone per Shqiperine si gjithe Europa”, thuhet në deklaratën e PD Shkodër. /l.m
