Partia Demoktratike, përmes deputetes Eliana Elmazi ka akuzuar Kryeministrin Rama se ky i fundit ka vendosur ti japë djalit të deputetes Valentina Leskaj, një koncension për hekurudhën Ballsh- Fier –Vlorë.
Sipas demokratëve kushdo që do të kalojë për 25 vitet e ardhshme në këtë segment hekurudhor do të jetë i detyruar të paguajë një shumë koncensionarit, duke patur parasysh dhe faktin se në këtë hekurudhë do të kalojë Nafta që nxirret nga Ballshi.
Më poshtë deklarata e PD:
Edi Rama ka vendosur t’i japë mikut dhe donatorit të tij, djalit të Valentina Leskajt, një ekskluzivitet qeveritar, për 25 vite.
Hekurudhën Ballsh-Fier-Vlorë.
Çdo mall që do transportohet për 25 vite, çdo pasagjer që do udhëtojë për 25 vite në këtë linjë, do paguajë paratë tek biznesmeni Arian Leskaj, mik i vjetër i Bashkisë së Edi Ramës, djali i nënkryetares së Kuvendit.
Ky koncesion është bërë pa transparencë, pa garë, pa asnjë njoftim.
Kemi të bëjmë me një biznes miliona eurosh në vit, duke ditur se në hekurudhën Leskaj, do të transportohet nafta që prodhohet në ballsh, e cila shkon në Vlorë për t’u tregtuar më pas në Europë.
Me filozonë pa tender, me fitues të paracaktuar, që janë gjithnjë miqtë e Edi Ramës po jepen çdo ditë ekskluzivitete për dekada të tëra.
Çdo ditë, pas çdo tenderi, pas çdo koncesioni, pas çdo pasurie kombëtare po shfaqet një mik i Edi Ramës, që ndan fitimet më të.
Edi Rama është sot kryeministri më i korruptuar në Ballkan, dhe sipas raportit të punës së OSBE pasuria e tij llogaritet mbi 200 milionë euro.
Pasuri e cila po rritet çdo ditë, pasi fondet shperndahen nga Edi Rama, i cili cakton xhepat se ku duhet të shkojnë paratë e shqiptarëve, duke i ndarë ato me miqtë dhe ndërtuesit e tij personal.