Partia Demokratike ka denoncuar ditën e sotme atë që ajo e quajti skandalin më të madh në vend, që ka të bëjë me vjedhjen e rreth 1.5 miliard lekësh bë sektorin e shëndetësisë.
Nga foltorja e Kuvendit, ka qenë deputetja e PD Albana Vokshi e cila theksoi se ISKSH-së i është shkaktuar një dëm ekonomik prej 1.5 miliard lekësh të fshehur nga kryeministri Edi Rama dhe ministri i Shëndetësisë Ilir Beqaj.
E gjitha kjo sipas Vokshit ka nisur tre muaj para marrjes së pushtetit nga qeveria Rama, dhe se kjo skemë vjedhjeje aplikohet përmes recetave false pikërisht me kartën e Shëndetësisë.
“Në Institutin e Sigurimeve të Kujdesit Shëndetësor, ose në ISKSH, plot 1.5 miliard lekë është dëmi ekonomik që është mbajtur i fshehur nga kryeministri dhe ministri por vetë grupi i kontrollit të kryeministrit thotë se dëmi llogaritet të jetë edhe më i madh. Pëmes recetave false vidhen ilaçet që duhej të shkonin për njerëzit në nevojë. Vjedhja ka nisur tre muaj pasi qeveria juaj erdhi në pushtet. Vjedhja u bë pikërisht me kartën e shëndetësisë, skemën e rimbursimit të barnave. Iu deshën tre muaj për ta realizuar. Kryeministri në vend që të bënte batuta me gratë dhe për gratë , duhej të ishte sot në Parlament sepse prej një muaji në zyrën e kryeministrit gjendet raporti me vjedhjen që është dhe skandali më i madh i parë ndonjëherë” tha Vokshi
Nga ana e tij edhe ish-kryeministri Berisha kërkoi që për këtë skandal të ngrihet një Komision Parlamentar që të hetojë këtë çështje.
