Partia Dmeokratike ka depozituar në prokurori një kallëzim penal ndaj kryetarit të Bashkisë së Tiranës Erin Veliaj.
PD e akuzon kryebashkiakun për “shkelje të barazisë në tendera”. Sipas selisë blu, Veliaj ka favorizuar kompaninë “Fusha shpk”.
Në një konferencë për mediat nga selia e PD-së. Balliu ka thënë se Fusha ka përfituar gjysmën e tenderave pa garë.
“Po kthehem nga prokuroria ku dorëzova kallëzim penal për Veliajn, për shkelje të barazisë në tendera dhe shpërdorim detyre. Në kundërshtim me ligjin e prokurorimeve, Veliaj i ka dhënë 2.6 milionë euro Fushës. Për Fushën, ligji shkelet. I ka dhënë Fushës miliona euro për pisha. Veliaj shkel ligjin që të favorizojë firmën Fusha Sh.p.k. Iu dhanë 2.6 milionë euro që të blinte pisha. Me këto para do kishte ndërtuar shkolla, por jo, zgjodhi të blinte pisha. Ja ku janë pishat e thara, dhe të prera. Njësoj si palmat. Me këtë situatë, Veliaj ka mbyllur sytë dhe bashkia s’ka marrë asnjë masë për kompaninë Fusha. Gjysma e tenderave që i janë dhënë Fushës janë pa garë. Dhe sa para duhet të paguajnë shqiptarët që Veliaj të mbyllë borxhin me Fushën për Arditin? I bëj thirrje prokurores së Përkohshme të marrë masat”, tha Balliu./a.m.
