Partia Demokratike refuzon të njohë rezultatin e zgjedhjeve të 25 prillit. Këtë qëndrim mbajti këtë të premte Drejtuesi i Qarkut të Beratit, Tomorr Alizoti, në një deklaratë për mediat.
Ai akuzoi Komisionin Qendror të Zgjedhjeve se po mbyll sytë përpara fakteve që tregojnë blerjen e votës, sipas opozitës, nga ana e mazhorancës.
“KQZ-ja e cila është përgjegjësja, nuk ka asnjë të drejtë të mohojë këto fakte të prekura, të para në terren, të dokumentuara, të provuara. Atëherë, kjo tregon që është pjesë dhe palë dhe kurrësesi nuk mund të jetë arbitër i këtyre zgjedhjeve, derisa ajo bëhet palë. Zgjedhje më 25 prill nuk pati. Zgjedhjet nuk duhen njohur dhe nuk do të njihen. Kjo ishte një masakër e fuqishme, jo elektorale, por të vullnetit të një populli i cili dëshiron dhe ëndërron të jetë pjesë e BE-së, të bashkimit më të qytetëruar në botë, ku në të posedohet drejtësia, liria për të vendosur, demokracia. Demokracia është votë e lirë, individ i pavarur, liri dhe drejtësi.”
Sipas PD-së, socialistët blenë vota në mënyrë masive, duke përdorur elementët e krimit dhe administratën.
g.kosovari
Ky djalka Alizoti, si Emili i Zhan Zhak Rusosë…..
E ka rritur e ëma,
Po e përkëdhel,
Po i jep llokume,
Kripur me sheqer…..
Akoma kriç ky ?
Të paktën të bëhet Gomar…..