PD tallet me Reformën në Drejtësi, duke shpikur çdo ditë nga një kusht të ri, si një fëmi i llastuar. Pas tejkalimit të ngërçit për Byronë Kombëtare të Hetimit, ku mazhoranca u tërhoq nga varësia ndaj Ministrisë së Brendshme, kryetari i PD, Lulzim Basha, artikulon kushte të tjera. Listës së kushteve tashmë PD i ka shtuar edhe ngritjen e një komisioni hetimor për marrëveshjen me CEZ. Ndonse mazhoranca plotësoi edhe një tjetër kusht, atë të dërgimit të mandateve të Rakip Sulit dhe Valentina Leskajt në Gjykatën Kushtetuese, kjo duket nuk ka mjaftuar. PD duket se thjeshtë po nxjerr kushte vetëm që të mos votojë Reformën në Drejtësi.
