Edhe pse vetë deputeti Gent Strazimiri e ka pranuar LIVE në televizion se kishte pistoletë në protestë, Partia Demokratike ka shpërndarë një njoftim të shkurtër ku e mohon diccka të tillë. Në atë që e quan sqarim për organet e propagandës së partisë në pushtet, PD thotë se armët i kishte policia dhe jo deputeti i saj.
“Sqarim për të gjitha organet e shtypit dhe propagandës të Partisë dhe pushtetit: Me armë në mënyrë krejt të paligjshme, me numra identifikimi të hequra qëllimisht, sot ishte ajo që nuk mund të quhet më “Policia e Shtetit”, dhe jo Gent Strazimiri! Arma e Gent Strazimirit nuk mbahet në brez! Arma e vetme e Gent Strazimirit, është dhe do të jetë ajo që ka qenë gjithmonë: denoncimi e përballja pa kompromis me këtë bandë kriminale që po sundon me urdhra kriminelësh e jo me ligje!” – thotë PD në njoftimin e shkurtër me e-mail, në emër të Strazimirit.
