Pas më shumë se dy orësh në selinë e blu, ka përfunduar mbledhja e Komisionit për zgjedhjet brenda Partisë Demokratike, ndërkohë që janë caktuar edhe rregullat e garës për dy kandidatët për postin e Kryetarit të kësaj force politike.
Mësohet se gjatë mbledhjes së komisionit është diskutuar edhe mbi përfshirjen e anëtarësisë së vjetër, ndërsa burime të Shqiptarja.com, bëjnë me dije se dy kandidatët, Lulzim Basha dhe Eduard Selami do të përballen publikisht disa herë gjatë fushatës së tyre.
Plani i fushatës do të publikohet nga kreu i Komisionit Zgjedhor të PD-së, Jemin Gjana.
Zgjedhjet për kryetarin e Partisë Demokratike do të mbahen më 22 korrik dhe në garë janë Lulzim Basha përballë Eduard Selamit.
ma.me