Kreu i Grupit Parlamentar të Partisë Demokratike Edi Paloka, ka denoncuar siç e quajti ai një sjellje mafioze, kërcënimin e kandidatatit për Bashkinë e Pogradecit, Eduard Kapri.
Në një dalje për mediat, Paloka tha se Kapri është kërcënuar që të tërhiqet nga gara për Bashkinë, ndërsa tha se garon përballë një kandidateje të LSI-së. Kreu i Grupit Parlamentar të PD theksoi se nëse preket qoftë edhe një fije floku kandidatit të djathtë atëherë Rama-Meta do mbajnë përgjegjësi.
“Eduard Kapri është kërcënuar 10 ditë para mbajtjes së zgjedhjeve kur të dhënat flasin për fitoren e tij në Pogradec. Pasi kanë dështuar në të gjithë përpjekjet e tyre ju ka mbetur vetëm një zgjidhje, të mos ketë zgjedhje. I bëjmë të ditur Ilir Metës dhe ortakut të tij Rama se PD i mban ata të dy përgjegjës, nëse një fije floku i preket kandidatëve tanë e cdo njeriu të përfshirë në këtë proces”. tha Paloka
