Partia Demokratike ka rikonfirmuar qëndrimin e saj përsa i përket futjes së tëknologjisë në zgjedhje.
Bashkëkryetari i Komisionit të Reformës Zgjedhore, Oerd Bylykbashi deklaroi se votimi elektronik është zgjidhje prioritare për PD
“Votimi elektronik është zgjidhje prioritare për PD. Votimi elektronik trajton në masë të madhe problemet me të cilat përballemi. Të gjitha rekomandimet e OSBE-ODIHR duhet të trajtohen me sukses. Komisioni i Reformës zgjedhore ka filluar punën dhe ne mendojmë se futja e teknologjisë në zgjedhje, me votimin dhe numërimin elektronik, i jep zgjidhje problemeve me të cilat përballemi” deklaroi Bylykbashi
Ai shtoi se problemet e zgjedhjeve dihen dhe palët nuk kanë pse fshihen pas gishti.
“Ne i dime problemet, nuk kemi pse fshihemi pas gishtit. Karta e identitetit është kthyer në një instrument kundër votës. Votuesve u merret karta dhe ju jepet pas zgjedhjeve. Bandat kriminale u shkonin në shtëpi votuesve për tu marrë kartën e identitetit. Sot votohet në emër të emigrantëve, por nuk votojnë emigrantët“, deklaroi ai
javanews.al/a.ç
