PD ka aplikuar modelin e së enjtes së kaluar, duke bllokuar sërish seancën parlamentare.
Tensioni në seancën plenare nisi, kur deputeti i PD-së Flamur Noka, ka kërkuar me forcë fjalën pasi kryetari i Kuvendit Gramoz Ruçi i ndërpreu fjalën ish-kryeministrit Sali Berisha.
Flamur Noka bllokoi foltoren e kuvendit duke iu drejtuar me fjalët “rrugaç, jep fjalën”, ndërsa Ruci e përjashtoi nga seanca e sotme.
Pasi refuzoi të lironte foltoren edhe pas tri thirrjeve të kryetarit Ruci, ai përjashtoi Nokën: “Detyrohem të aplikoj nenin përkatës, përjashtohesh nga seanca e sotme Flamur Noka, 5 minuta për të liruar sallën Flamur Noka.”
Ruçi ndërpreu punimet e parlamentit për 5 minuta dhe i kërkoi Nokës të largohet nga salla. Por rinisja e seancës e gjeti Nokën në Kuvend.
Noka nuk largohet nga salla e Kuvendit, Ruçi pezullon seancën
“Në këto rrethana jam i detyruar të zbatoj në frymë dhe në germë, pezullimin e seancës sic thotë neni 56 për një kohë të përcaktuar, seanca rifillon në orën 17:00”
Balla: Skenar i parapërgatitur
Në dalje të Kuvendit, kreu i grupit të PS, Taulant Balla e konsideroi bllokimin e punimeve të Kuvendit si skenar të parapërgatitur. Sipas tij PD shpik çdo javë arsye për të bllokuar punimet e Kuvendit.
RAMA: PD nuk thahet dot nga rrebeshi i zgjedhjeve
Kryeministri Edi Rama ka reaguar pas ndërprerjes së seancës parlamentare, e dyta javë radhazi, që vjen si pasojë e përjashtimit të një deputeti të opozitës. Rama e lidh qëndrimin e PD-së me humbjen e zgjedhjeve duke bërë ironi me fjalë popullore.
“Përsëri pushtohet foltorja e ndërpritet puna e Kuvendit, sepse PD nuk thahet dot nga rrebeshi i zgjedhjeve dhe di vetëm e lagu s’e lagu⛈💦”, shkruan Rama.
Berisha: Po shkaterrohet institucioni qendror i demokracisë
“Po si ta thotë mendja se mund të më ofendojë mua Edi Rama. Po ai të nderon në çdo fjalë që të thotë, Edvin Shullazi, ça fjale është ajo”, kështu u shpreh ish – Kryeministri Sali Berisha, i pyetur nga gazetarët nëse një ofendim i Ramës drejtuar tij, çoi në ndërprerjen e seancës.
Jashtë sallës së Kuvendit, Berisha akuzoi mazhorancën dhe kreun e Kuvendit Gramoz Ruçi, se po shkatërrojnë institucionin e parlamentit duke mohuar të drejtën e fjalës.
Berisha tha se “problemi themelor është se kemi të bëjmë me mohimin e fjalës për procedurë”.
“Ka marrë përsipër të shkatërrojë përfundimisht institucionin qendror të demokracisë, që është parlamenti“, tha ish – Kryeministri. Reagimi erdhi pasi Ruçi përjashtoi deputetin Flamur Noka dhe ndërpreu seancën duke e shtyrë për në orën
a.ç
