Partia Demokratike është fosilizuar dhe nëse nuk ikën Sali berisha nga drejtimi i saj, atëherë do të ikin pjesa më e madhe e anëtarëve nga ajo parti.
Kjo ishte analiza e juristit Romeo Kara ditën e sotme në “Studio Live” të Report Tv, në lidhje me situatën paszgjedhore të opozitës, kërkesat e saj për pavlefshmëri të zgjedhjeve të 11 majit, por edhe në zbulimin e faktuar tashmë të fënomenit të vjedhjes së votave brenda llojit.
Mendimit të tij i doli kundër përfaqësuesja e PD-së, pedagogja Endira Bushati, e cila deklaroi se pa Berishën ajo parti merr fund dhe ndahet në 20 pati të tjera.
Kara u shpreh i bindur se qëllimi i Berishës është pavlefshmëria e zgjedhjeve dhe përsëritja e tyre, duke mos i njohur, por tani nuk e kontrollondot më, edhe pas fakteve që po dalin se janë vjedhur votat brenda PD-së për kandidatët.
“Kjo shkon me qëllimin e kreut të opozitës Berisha për pavlefshmërinë dhe mosnjohjen e zgjedhjeve. Tani ai duket se nuk e kontrollon dot më procesin. Nuk besoj se është e dirigjuar procesi i kërkesave individuale. Por për mua kjo është farsë, nuk mund të pretendosh vjedhjen e votës vetëm pasi ajo numërohet. Nuk mund t’i ngresh pretendimet ditë pas shpalljes së rezultatit. Kjo është një preteks, lojë për të mos pranuar rezultatin. Unë mendoj se rezultati është i afektuar nga të dyja palët, të mos ankohen. Janë të dy bashkëautor të procesit zgjedhor. Berisha nuk i njohu zgjedhjet menjëherë pasi doli rezultati. Shqipëria do shkojë drejt zgjedhjeve të lira e të ndershme vetëm nëpërmjet numërimit të votave jashtë partive”, u shpreh juristi.
Ai nënvizoi se nëse gabimi do ishte mbi 1%, duheshin rinumëruar kutitë, sepse lë dyshime për ndryshim rezultati, teksa u shpreh për transparencë të procesit dhe evidentoi se të dyja palët janë fajtore.
Ndërsa bëri një kujtesë për zgjedhjet më të këqija të historisë në Shqipëri, Kara ndau mendimin se “zgjedhjet më të poshtra në Shqipëri janë ato lokale të vitit 2011, ku KQZ ka ndryshuar rregullat në mes të procesit dhe gjithashtu ka ndryshuar rezultatin”.
“Pse nuk del Berisha ta rrëzojë Ramën, sepse ka frikën se i bie sistemi, sepse këta qëndrojnë në bazë sistemi, dhe po ra ikin që të dy. Ky është kasap me mentalitet primitiv, ku nuk pranon kundërshtim. Por pse ndodh kjo, sepse opozita ka një njeri që nuk sjell shpresë, është person i pabesueshëm. Njerëzit kanë menduar në fund, për kë do votojmë? Për Berishën nuk votojmë kanë thënë, ia dhanë tjetrit. Madje berisha ka marrë më shumë nga çfarë duhet”, vijoi juristi.
I pyetur për kreun e PD-së nëse duhet të dorëhiqej, Kara tha se ajo parti tashmë është fosilizuar dhe se Berisha e ka marrë peng.
“PD është fosiluzuar dhe s’i shërben më Shqipërisë, ndaj ka nevojë për politikë të re në opozitë. Zotëria (Berisha) e dinte që as e merrte dhe as e mbante dot pushtetin se nuk kishte ku ta çonte. Unë them ose do iki Berisha, ose do largohet pjesa më e madhe e PD-së. Berisha e ka marrë peng PD-në. Ka 3 emra të paparë në PD, Flamur Noka, Adriana Kalaja dhe Albana Vokshi, që e bëjnë me sukses dhe që meritojnë të jenë kryetarë të PD-së dhe PD-ja i meriton plotësisht ata”, përfundoi ai
Endira Bushati, pedagoge dhe pjesë e Departamentit të Mirëqeverisjes në PD, gjithashtu kërkoi transparencë nëpërmjet rinumërimit, duke analizuar se edhe brenda PD-sëka mosbesim te procesi.
“Ne si shqiptarë në raport me zgjedhjet kemi mosbesim. Madje edhe brenda të njëjtit kamp besimi është i ulët. Ka shumë shkaqe, por që refletojnë nivelin e demokracisë në vend. Nuk është për t’u çuditur që edhe brenda një partie të ketë mosbesim. Në PS u mbyll me mesazhin e Ramës, në PD zgjodhën rrugën tjetër. Të ballafaqimit. Unë jam për të drejtën e individit. Pavarësisht kostos, duhet të prevalojë ligji dhe transparenca. Kur del e vërteta nuk ka dëm. Te Dibra shoh se ka mesatarisht 1 votë për kuti, ndaj besoj se është më shumë gabim njerëzor, brenda marzhit. Por nëse ka orientim brenda partisë, si nga PS dhe PD, diferencat patjetër që nuk janë kaq të vogla. Ky rinumërim që po bëhet, nuk është thelbësor për procesin”, tha Bushati.
Ajo theksoi separtia që qeveris zotëron sot të gjitha pushtetet dhe nuk lejon shprehjen e vullnetit të lirë, teksa ka bërë edhe fryrjen e administratës me dyfishim të saj që kur ka ardhur në pushtet. Edhe për votën e diasporës Bushati u shpreh se pati ndërhyrje nga ana e qeverisë dhe proces të padrejtë e të pabarabartë ndaj opozitës.
Kurse pyetjes nëse duhet të ikë Berisha nga PD, duke respektuar statutin dhe “nenin basha që vetë e votoi, ajo tha:
“Unë them jo tani, Berisha nuk duhet të largohet tani. Është dëmi më i madh nëse ai do iki tani. Kënë 30 vite që thonë të ikë Berisha. Unë mendoj se Berisha e mban bazën e PD-së, nëse ai ikën, ato 500 mijë vota shkërmoqen në 20 parti të tjera. Kritika më e madhe që i bëj unë Berishës, është që nuk krijoi 2-3 statura për të qenë drejtues të PD-së. Shyqyr që iku Lulzim Basha, a ishte ai që mund ta bënte PD-në të madhe? Nuk shoh asnjë figurë si pasues të Berishës në PD”.
