Prokurori Bujar Sheshi nga mbledhja e KLP, ka reaguar për akuzat që janë bërë ndaj tij duke e cilësuar si një ish-bashkëpunëtor të Sigurimit të Shtetit në kohën e Komunizmit.
Në një reagim të tij, Sheshi tha se i mohon kategorikisht këto akuza dhe tha se do ja lë drejtësisë këtë çështje që e cilësoi si një skenar tipik mafioz
“Deklaroj se nuk kam qenë asnjëherë bashkëpunëtor i fshehte i Sigurimit te Shtetit. Objektivi i këtij sulmi me i ulet se kaq. Synohet te goditet procesi i reformës ne drejtësi. Fakti qe kane arritur te manipulojnë deri ne institucione shtetërore, me krijon bindjen qe pas tij fshihen njerëz te rëndësishëm te politikes.
Në rastin tim nuk synohet vetëm goditja ndaj meje për çështjet që kam hetuar, pro synohet goditja si institucion i KLP, pasi kemi ardhur në një moment për krijimin e SPAK. Do kërkoja ndihmën tuaj për zbardhjen e të vërtetës dhe që janë bërë pjesë e një skenari mafioz. SPAK do të krijohet edhe pa Bujar Sheshin. Refuzoj kategorikisht çdo akuzë dhe vendimmarrje sipas të cilit unë kam qenë bashkëpunëtor i sigurimit. Drejtësia do merret me këtë çështje dhe do arrijë një konkluzion të qartë. Nuk besoja se do arrinin deri në këtë sajesë”- tha Sheshi.
Ndërkohë që kryetari i KLP, Gent Ibrahimi, u shpreh se ishte njohur me dokumentet si dhe me qëndrimin e kolegët të tyre, e institucioni që ai drejton do të shprehet në ditën në vijim për këtë çështje.
PD ka akuzuar prokurorin se ka kaluar vettingun në kundërshtim me ligjin, pasi ka qenë bashkëpunëtor i ish Sigurimit të Shtetit në kohën e komunizmit.
a.cupaj
