Kryeministri Edi Rama ka hapur ekspozitën e tij personale në Berlin, Gjermani. Pas videos me familjen që publikoi mbrëmjen e djeshme, sot kreu i qeverisë ka publikuar një tjetër foto nga ekspozita. Rama duket teksa vendos një nga pikturat e tij në ekspozitë, e cila ka tërhequr edhe vëmendjen e disa medieve në Berlin. Ndërkohë që në Tiranë opozita ka akuzuar sot se hapja e ekspozitave dhe shitja e veprave të artit gjatë ushtrimit të detyrës së kryeministrit e bën të pavlefshëm mandatin e Edi Ramës.
“Kuvendi duhet ta konstatojë menjëherë papajtueshmërinë. Duke shitur krijimtarinë e tij artistike, Edi Rama deklaruar më 3 vjet 79 milionë lekë, duke shkelur hapur Kushtetutën dhe ligjin për parandalimin e konfliktit të interesit. Paligjshmëria, abuzimi me pushtetin dhe pasurimi i babëzitur janë 3 tiparet kryesore të Edi Ramës në krye të qeverisjes së vendit. Është koha t’i japim fund këtij modeli” deklaroi Albana Vokshi ditën e sotme.
/a.meta
