Nuk është lajm tashmë që kryetari i PD Lulzim Basha flet ‘pa doganë’ kur bie fjala për të sulmuar kush t’i dalë përpara, vetëm që të thotë diçka pavarësisht sa e zgjuar është apo sa i saktë është informacioni. E vetmja gjë që ai pohon në shumicën e deklaratave që bën është se as që merr mundimin për t’u informuar dhe se në shumicën e rasteve tezat i ndërton mbi bazën e titujve të gazetave apo të mediave on line. Për një qytetar të zakonshëm kjo shkujdesje nuk është se ka ndonjë vlerë të madhe. Por për një person që ka 5 vjet që ëndërron të bëhet kryeministër dëshmia se s’ka pikë infpormacioni dhe as që merr mundimin të verifikojë qoftë edhe një inbformacion përbën një fakt që s’mund të anashkalohet.
Pasi gënjeu 2 ditë më parë në Parlamenmt duke shpifur edhe për deklarartat e kryeprokurorit italian, gjë e cila e detyroi këtë të fundit të bënte një deklaratë se ato që thoshte Basha ishin trillime, rradhën sot e ka pasur Alpha Bank, e cila, sipas Bashës, “po blihet nga një tjetër bankë e lidhur me krimin”. Natyrisht që kjo deklaratë ka tronditur seriozisht nivelet më të larta të Alpha Bank, e cila nga deklarata të tilla ‘qesim’ të lëshuara nga Basha mund të ketë edhe pasoja të rënda sidomos në marrdhëniet me klientët e saj, si dhe për reputacionin në tregun bankar. Ka qenë pikërisht presioni i këtyre drejtuesve të Alpha Bank ai që ka detyruar Bashën që të përgenjeshtroj deklaratat në adresë të kësaj banke duke u justuifikuar se “është një lapsus pasi fjala është për një bankë tjetër greke që po blihet siç raportojnë mediat”. është pak e pakuptueshme se si lideri i opozitës mund të flasë kaq ‘spontanisht’ pa as më të voglin sens verifikimi. Në fakt deklarata e tij nuk është një lapsus, por një gafë e rëndë. Të paktën doli një Bankë dhe ja mblodhi. Po të tjerët si do bëjnë?
Ja deklarata e PD që përgënjshtron Bashën
Korrigjim për një deklaratë të Kryetarit të Partisë Demokratike. Duke folur për kriminalizimin e ekonomisë dhe përqëndrimin e saj në pak duar, Kryetari i Partisë Demokratike përmendi përfshirjen e sektorit bankar, nëpërmjet ABI Bank. Zoti Basha përmendi blerjen prej ABI Bank të dy bankave greke NBG dhe Alpha Bank. Partia Demokratike sqaron se përfshirja e Alpha Bank është një lapsus i paqëllimshëm, ngatërresë me emrin e një banke tjetër greke që media ka raportuar se është në tratativa për t’u blerë nga ABI Bank.
ma.me/javanews.al
