Partia Demokratike ka bojkotuar seancën e kësaj të hëne e cila është e fundit për këtë sesion parlamentar.
Ndërkohë, Lëvizja Socialiste për Integrim ka kërkuar ndërprerjen e seancës për të zhvilluar një mbledhje grupi.
Në mbledhje kjo forcë pritet të diskutojë edhe njëherë projektligjet e sotme, ku mes tyre është edhe ai “për statusin e gjyqtarëve dhe prokurorëve”.
Votimi i ndryshimeve do t’i hapte rrugë zëvendësimit të të alrguarve nga Vettingu. Edhe pse LSI ka deklaruar se nuk voton pa një akord gjithëpërfshirës, ftesat e përsëritura nga PS nuk kanë munguar. Mbetet vetëm të presim nëse dy ish-aleatët kanë gjetur akordin.
Më herët në seancë mori fjalën zv.kryetari i LSI Luan Rama.
Ai kërkoi rehabilitimin e situatës duke bërë edhe propozimet e LSI ndërsa tha se Kuvendi nuk duhet të marrë pushime pa zgjidhur ngërçin në Gjykatën Kushtetuese.
“Reforma në Drejtësi duhej bërë dhe duhet bërë në frymën e bazës që ne sanksionuam me frymën e ndryshimeve Kushtetuese. Pas dy vitesh Shqipëria është i vetmi vend pa Gj.Kushtutuese,. Pa gjykatë të lartë. Kjo tregon se projeksioni që u ndërtua Reforma në Drejtësi ka qenë më e pakta me defekte që vijnë dhe na shfaqen deri në këtë gjendje që ne jemi sot. Përgjegjësia bie mbi të gjithë klasën politike. “Dy vite më pas, mazhoranca nuk ndjen asnjë përgjegjësi? Për faj të arrogancës së saj jemi në zgrip të institucioneve të drejtësisë. Në sensin më normal do të duhej të kishte një reflektim.
Na kërkohet sot që t’i kthehet pushtet atij institucioni që të gjithë bashkë mendojmë se është përgjegjësi kryesor për gjendjen e drejtësisë në vend. Po kërkoni që t’i japim autoritet KLD-së.
Po pse?! Sepse nuk projektuam siç duhen mangësitë që do të krijonte sistemi. Mungesa e reflektimit, është dëshmia e papërgjegjshmërisë që me të cilën u trajtua Reforma në Drejtësi dhe një dëshmi që kjo ka qenë e qëllimshme për të kapur sistemin e drejtësisë”, tha Luan Rama./a.m.
