Enkelejd Alibeaj ka vijuar sot akuzat sa i përket rastit të Klement Balilit. Në një deklaratë nga selia blu, Alibeaj tha se Tahiri tashmë ka dalë zbuluar me lidhjet e tij me trafikun e drogës.
“Është zbuluar se janë hequr në kartelën e Balilit krimet dhe precedentët e mëparshëm penalë të tij. I shpallur në kërkim ndërkombëtar rezulton sot me një të shkuar të pastër. Edhe pse në vitin 2006 u kap me plot 750 kg drogë. Edhe pse Bashkia e Sarandës e ka kallzuar për ndërtim pa leje” – deklaroi sekretari i PD.
Ai tha se Saimir Tahiri ka futur duart në kartelën e Balilit duke ia fshirë precedentët penalë.
“Kjo është arsyeja pse partnerët ndërkombëtarë e përjashtuan policinë shqiptare nga hetimi. Tahiri ka dalë i zbuluar nga lidhjet me trafikun e drogës” – tha Alibeaj.
(javanews.al / r.a)
