Partia Demokratike, përmes një dalje për mediat të Gazmend Bardhit, ka hedhur akuza ndaj deputetit të PS, Ervin Bushati për fshehje të pasurive.
Sipas këshilltarit ligjor të PD, Bushati ka fshehur tre pasuri në Tiranë, 2 Sarandë dhe 2 Kavajë
“Ervin Bushati shpif ndaj opozitës për të mbrojtur Edi Ramën. Bushati ka nevojë për mbrojtjen e Ramës, për shkak të pasurive të fshehura. Ervin Bushati ka fshehur 7 pasuri të paluajtshme. Ervin Bushati nuk ka deklaruar tre pasuri truall në Tiranë, një në Sarandë dhe ka fshehur një nga 13 garazhde në Sarandë. Bushati ka fshehur edhe dy pasuri në Kavajë. KJo është arsyeja se pse Edi Rama refuzon paketën antimafia të PD që parashikon sekuestrimin e pasurive të fituara në kundërshtim me ligjin. Nëse do të ishte gjyqtar apo prokuror, Bushati do të ishte shkarkuar“, deklaroi Bardhi
Javanews/a.ç
