Partia Demokratike ka denoncuar përmes Enkelejd Alibeajt 3 grabitjet e ndodhura sot në vend, duke ja vënë fajin qeverisë. Alibeaj shprehet se kur qevrinë e sundon krimi… grabitjet janë e pakta që mund të ndodhë.
“3 grabitje me armë e me maska brenda 4 orëve, është mënyra më e keqe për të nisur një javë në Shqipëri.
Ngjarje të rënda, që tregojnë se çdo ditë e më shumë krimi fiton terren, dhe rendi bie.
Në mes të ditës, në Tiranë, Korçë dhe Fier, maskat ia kanë dalë të godasin, të marrin paratë e të zhduken në drejtim të paditur.
Këto kanë qenë kohë të favorshme për krimin. Krimi sjell krim, dhe kur qeveris me krimin, kur jep garanci e letra rekomandimi për bandat, atëherë i jep krahë grabitësve, trafikantëve, maskave. “- shprehet Alibeaj./java/a.k
