Paul Pogba ka thënë se ai “ende ka kontratë” me Manchester United por kjo nuk do të thotë se tërë karrierën e tij do të rri në klubin e Premier Ligës.Mesfushori 25 vjeçar nuk ishte një ndër më të mirët sezonin e kaluar dhe është ndërlidhur me një kalim në La Liga, te Barcelona këtë verë.
Menaxheri Jose Mourinho tha muajin e kaluar se “nuk mund të jetë më shumë i lumtur se kaq”, me Pogban.“E ardhmja e ime për momentin është në Manchester”, tha fituesi i Botërorit për Sky Germany.“Ende kam kontratë dhe jam duke luajtur për momentin, por kush e di çfarë do të ndodh muajt në vazhdim”, ka shtuar Pogba derisa ka folur për ndeshjen e Ligës se Kombeve që u zhvillua sonte në mes të Francës dhe Gjermanisë.
Ish mesfushori i Juventusit, Pogba nuk u angazhua në asnjë ndeshje të 1/8 së finales së Ligës së Kampionëve, që United e humbi kundër Sevillas.
Por, ai ka qenë kapiten në dy ndeshjet e para të Premier Ligës në mungesë të Antonio Valencias dhe ka shënuar dy herë deri me tani.
Raportet të enjten kanë thënë se Pogba nuk do të përpiqet të largohet nga United në janar por do të mbetet në klub deri në verën e ardhshëm.
“Ne kemi një marrëdhënie të pastër trajner-lojtar, kjo është në rregull”, ka thënë Pogba kur është pyetur për marrëdhëniet e tij me Mourinhon.
“Një gjë mund të ju siguroj juve, do të jap 100 për qind për klub, pavarësisht kush është trajner do jap gjithçka për United-më shumë nuk mund të flas.
Pogba ka nënshkruar marrëveshje pesë vjeçare me klubin që ju bashkua nga Juventus për një marrëveshje rekord prej 89 milionë funte në gushtin e 2016’ës, përgatiti ”GazetaExpress”. (b.an)
