Astrit Patozi ka reaguar pas akuzave të PD-së në drejtim të kryetarit të Bashkisë së Shkodrës Vladrin Pjetri se ka qenë i dënuar në Itali dhe e ka fshehur vendimin.
Patozi me ironi thotë se se qeverisja e “Rilindjes” ka degraduar aq shumë, sa ajo mund të rrëzohet e të humbasë edhe aty ku kandidon e vetme.
“Rasti i Shkodrës na shërben për të kuptuar se qeverisja e “Rilindjes” ka degraduar aq shumë, sa ajo mund të rrëzohet e të humbasë edhe aty ku kandidon e vetme”, thekson Patozi.
Me anë të një postimi në “Facebook”, Patozi nuk kursen as ish-bashkëpuntorët e tij opozitarë duke i thumbuar se ky nuk është një arsye që mund t’i gëzojë ata që kanë frikë nga zgjedhjet
“Por kjo nuk është një arsye që mund t’i gëzojë ata që kanë frikë nga zgjedhjet. Sepse që atyre t’u vijë radha për të fituar, duhet të presin shekuj ose ajo ditë mund të mos vijë kurrë”, vazhdon Patozi.
Ndërkohë më tej ai shprehet se ky është një lajm shumë i mirë për të gjithë ata opozitarë, që besojnë dhe luftojnë për ta larguar me votë këtë qeveri të korruptuar, në rastin e parë që u del përpara.
g.kosovari
