Emisioni Java në RTSH shpalli Astrit Patosin si personazh te javës ne rubrikes e saj te përhershme, çdo të premte. Në tekstin shoqërues të shpalljes thuhej:
“U përpoq të hapte rrugën si lideri alternativ i Lulzim Bashës në krye të Partisë Demokratike, nënkryetar i së cilës kishte qenë nga viti 2007 deri në vitin 2013.
Bëri opozitë të fortë në parlament kundër qeverisë “Rama një”, u la jashtë nga Basha në zgjedhjet e vitit 2017, kërkoi me ngulm dorëheqjen e këtij të fundit pas humbjes së zgjedhjeve , denoncoi rizgjjedhjen e tij në krye të PD-së. Bashkë me shumë kritikë të tjerë të zotit Basha ndërmori të ashtuquajturën Lëvizje për Ringritjen e PD-së, organizoi disa takime në rrethe, por si përfundim e pa vetëm gjithnjë e më larg partisë dhe karrierës politike.
Por Astrit Patozi u kthye këtë javë si bashkëthemelues dhe kordinator i Partisë “Bindja demokratike”.
U kthye për t’u rinisur në rrugën e politikës me partinë e tij.
Tërhoqi shumë vemendje, pavarësisht zhurmës dhe kakofonisë që sundon skenën politike të luftës jashtëparlamentare.
Vëzhguesit politikë e shpjeguan arsyen. E para ka një karrierë dhe një stil të të bërit politkë. E dyta, për shkak të momentit. Patozi me shokë po hyjnë në lojë, ndërkohë që opozita e madhe nuk do të shkojë në zgjeshje. E gjithë kjo u dha krahë interrpretimeve të çdo lloji. Mbi këtë potpuri Patozi mbajti një profil kryesisht shpjegues dhe fare pak, ose aspak replikues. Si për të treguar se po niset për rrugë të gjatë”.
