Deputeti i PD-se Astrit Patozi, pa dorashka ka deklaruar se Lulzim Basha eshte kercenim kombetar. Sipas tij, ai ka krijuar probleme shume me te medha se mund te mendohen ne keto momente. Sipas Patozit, ai ka grabitur opozitën duke dëmtuar Shqipërinë.
“Lulzim Basha sot është kërcënim kombëtar. Duke marrë peng, dhe duke e grabitur PD-në dhe duke e çuar në atë humbje katastrofale, Basha mban peng zhvillimet shoqërore dhe politike në Shqipëri. Shqipëria për shkakun e tij sot mbetet pa opozitë. Kemi 200 mijë demokratë që nuk kanë marrë pjesë në zgjedhje”, tha ai.
Një nga kundërshtarët më të “fortë” të Lulzim Bashës, Astrit Patozi mohon se do t’i futet garës për postin e kreut të PD-së. I ftuar në emisionin “Opinion”, Patozi mohoi zërat për një kandidim, ndërsa u hodh në “sulm” ndaj kreut aktual Basha. “Unë nuk do jem pjesë e garës. Basha para se të futej të rikandidonte për kreun e partisë fillimisht duhet të kishte bërë dorëheqje”, tha Patozi. Ai tha se Basha është sëmundja e PD-së dhe se ai tani po e ndan partinë me vjehrrin apo kunatin. “Basha është sëmundja e PD-së. Edhe Berisha kur humbi iku, ndërsa ky bën garë farsë. Atij ia dhuruan partinë, e vodhi me marrëveshjen me Ramën dhe tani po ndan me vjehrrin dhe kunatin me ato farë listash që bëri”, tha Patozi.
Si genjeu Basha në Vorë para 8 muajsh
Ish-deputeti i PD-së, Astrit Patozi ka rrëfyer për “Opinion” se Basha e gënjeu para 8 muajsh në një takim në Vorë. Basha tha në sy të Patozit se ai do të ishte deputet, por kjo gjë nuk ndodhi.
“Kam histori personale me Bashën. Kemi qenë në Vorë 8-9 muaj më parë. Kishim një takim me strukturat. U ngrit çështja e përfaqësimit dhe ky i tha atyre pa ia kërkuar kurrë. “Tani po jua them që deputeti juaj i ardhshëm është filani dhe vazhdojmë tani”, tha Patozi.
ma.me
