Kreu i Bindjes Demokratike, Astrit Patozi, ka folur për largimin e tij nga Partia Demokratike, teksa theksoi se ia ka falur Lulzim Bashës atë që ai e quan “vrasje politike”.
Në një intervistë për Klan News, Patozi ka treguar se arsyeja pse militon në një forcë të re politike nuk është për shkak se është mërzitur ngaqë Lulzim Basha e hoqi nga lista e PD.
Më tej ai e quan këtë një histori të mbyllur dhe kapitull të tejkaluar.
Ka njerëz që mendojnë se jeni larguar nga PD sepse Basha nuk i realizoi ambicjet tuaja?
“Lulzim Bashës unë ia kam falur atë. Ka shumë njerëz që duan ta lidhin me pozicionin tim politik. Lulzim Bashës ia kam faluar atë që njerëzit e konsiderojnë si ‘vrasje politike’.
Ka shumë njerëz që thonë se Astrit Patozi sot militon në një forcë të re politike për shkak se është mërzitur ngaqë Lulzim Basha e hoqi nga lista e PD. Nuk është e vërtetë.
Sepse unë e quaj një histori të mbyllur edhe një kapitull të tejkaluar. Ajo që kam bërë gjatë këtyre dy viteve të fundit është që t’i krijoj qytetarëve shqiptarë një mundësi tjetër që është e ndryshme nga PD-PS-LSI.”
g.kosovari
