Ish-Ministri i Drejtësisë në qeverinë “Berisha”, Eduard Halimi, i cili tashmë shfaqet në rolin e avokatit të Lulzim Bashës, zotëron një pasuri të konsiderueshme.
Halimi, i cili dha dorëheqjen nga mandati i deputetit më vitin 2018 deklaron miliona euro pasuri të patundshme.
CNA.al ka zbardhur pasurinë e tij, bazuar në të dhënat e publikuara nga Open Spending Albania.
Në vitin 2012, kur ishte në krye të Ministrisë së Drejtësisë ai deklaron të ardhura nga qiradhënia 34 000 euro, për një zyre pranë Kullave Binjake. Sipas të njëjtit shuma i përket detyrimit të prapambetur nga viti 2011 dhe 2012. Në të njëjtin vit ai deklaron, të ardhura nga shitja e një apartamenti 67 m2 në qytetin e Durrësit për 65 000 euro.
Gjithashtu ai ka deklaruar se ka pakësim pasurie 40 000 euro për një tokë truall në Lundër.
Në vitin 2013, të ardhura nga qiradhënia deklaron 26 000 euro, për një zyre pranë Kullave Binjake, ndërsa në vitin 2014, kur ishte deputet i PD-së, këto të ardhura kapin shumën 4 480 euro.
Në vitin 2015 ai ka blerë një banesë me vlerë 364 000 euro. Ai deklaron se ka paguar shumën 164 000 euro si detyrim ndaj kompanisë së ndërtimit dhe i detyrohet edhe 200 000 euro.
Ndërsa në vitin 2016, të ardhura nga qiraja e zyrës te kullat binjake, janë 20 400 euro.
Më poshtë po sjellim pasurinë e deklaruar nga Halimi përgjatë viteve 2012-2018.
Viti 2012
Të ardhura nga paga si Ministër i Drejtësisë 1 822 000 lekë.
Të ardhura si anëtar i KKT dhe KLD 100 000 lekë.
Të ardhura nga qiradhënia 34 000 euro, për një zyre pranë Kullave Binjake. Shuma i përket detyrimit të prapambetur nga viti 2011 dhe 2012.
Bashkëshortja, të ardhura nga paga 869 315 lekë.
Të ardhura nga shitja e një apartamenti 67 m2 në qytetin e Durrësit për 65 000 euro.
Gjendja totale e llogarive bankare në fund të vitit 140 434 euro.
Gjendja totale e llogarive bankare në fund të vitit 2 087 906 lekë.
Pakësim pasurie 40 000 euro për një tokë truall në Lundër, anullim kontrate.
Viti 2013
Të ardhura nga paga dhe përfitime të tjera financiare si Ministër dhe Deputet i Kuvendit të Shqipërisë 1 600 000 lekë.
Të ardhura si anëtar i KKT dhe KLD 100 000 lekë.
Të ardhura nga qiradhënia deri në muajin Nëntor dhe detyrim i prapambetur nga qiramarrësi 26 000 euro, për një zyre pranë Kullave Binjake.
Bashkëshortja, të ardhura nga paga 776 362 lekë.
Viti 2014
Të ardhura nga paga si deputet, 2 083 113 lekë.
Të ardhura nga qiraja e zyrës te kullat binjake, 4 480 euro.
Bashkëshortja, të ardhura nga paga, 840 000 lekë.
Gjendja e llogarisë bankare në një bankë të nivelit të dytë, pakësuar me 65 000 euro, pjesa takuese 50 %.
Gjendja e llogarisë bankare në një bankë të nivelit të dytë, pakësuar me 2 500 euro, pjesa takuese 50 %.
Gjendja e llogarisë bankare në një bankë të nivelit të dytë, shtuar me 216 845 lekë.
Bashkëshortja, gjendja e llogarisë bankare në një bankë të nivelit të dytë, shtuar me 40 000 lekë.
Detyrim ndaj kompanisë së ndërtimit për ap. në vlerën 67 500 euro, shlyer plotësisht.
Viti 2015
Të ardhura nga paga si deputet, 2 457 427 lekë.
Të ardhura nga interesa bankare të depozitës, 238 900 lekë.
Të ardhura nga qiraja e zyrës te kullat binjake, 18 376 euro.
Bashkëshortja, të ardhura nga paga, 845 000 lekë.
Detyrime të papaguara në vlerën 27 524 282 lekë për një kredi bankare marrë në vitin 2015 me principal 28 000 000 lekë dhe afat 22 vjet.
Detyrime të papaguara në vlerën 164 000 euro si detyrim ndaj kompanisë së ndërtimit për blerje banese me cmim 364 000 euro.
Llogari bankare pakësuar me 25 485 euro.
Llogari bankare pakësuar me 110 000 lekë.
Llogari bankare e pagës pakësuar me 474 713 lekë.
Llogari bankare e bashkëshortes pakësuar me 302 040 lekë.
Detyrime të paguara në vlerën -1 305 782 lekë për një kredi bankare marrë në vitin 2015 me principal 28 000 000 lekë dhe afat 22 vjet.
Detyrime të paguara në vlerën -200 000 euro si detyrim ndaj kompanisë së ndërtimit për blerje banese me cmim 364 000 euro.
Viti 2016
Të ardhura nga paga dhe përfitimet në funksionin e deputetit, 2 486 420 lekë.
Të ardhura nga interesa bankare të depozitës, 55 327 lekë.
Të ardhura nga qiraja e zyrës te kullat binjake, 20 400 euro.
Bashkëshortja, të ardhura nga paga, 845 000 lekë.
Gjendje llogari e pagës, pakësuar me 90 562 lekë.
Gjendje llogari depozite, pakësuar me 53 714 euro.
Gjendje llogari rrjedhëse, shtuar me 1 621 euro.
Gjendje llogari bankare, pakësuar me 183 103 lekë.
Bashkëshortja, gjendje llogari e pagës, pakësuar me 300 321 lekë.
Shlyer në vitin 2016 -933 763 lekë për një kredi bankare marrë në vitin 2015 me principal 28 000 000 lekë dhe afat 22 vjet. Detyrimi i mbetur më 31 dhjetor është 26 590 520 lekë.
Shlyer në vitin 2016 -30 000 euro si detyrim ndaj kompanisë së ndërtimit për blerje banese me çmim 364 000 euro. Detyrimi i mbetur më 31 dhjetor është 134 000 euro.
Viti 2018 (Deklarata pas largimit)
Gjendja e llogarisë së pagës në 09 Shkurt 2018 është 341 597 Lekë, e shtuar me 108 347 Lekë nga të ardhurat e pagës.
Gjendja e llogarisë rrjedhëse në një bankë të nivelit të dytë është 996 Euro e pakësuar me 147 Euro.
Bashkëshortja, Znj. Lea Kilica, gjendje të llogarisë së pagës në një bankë të nivelit të dytë, 1 013 121 Lekë, të shtuar me 156 826 Lekë nga të ardhurat e punësimit në Akademinë e Arteve (2 muaj).
Kredi bankare të marrë në një bankë të nivelit të dytë në vitin 2015, me afat shlyerje 22 vite. Shlyer detyrimi në shumën 304 518 Lekë nga llogaria rrjedhëse e pagës dhe gjendja e detyrimit të pashlyer është 25 547 034 Lekë.
Detyrimi ndaj kompanisë së ndërtimit mbetet në të njëjtat vlera si në deklarimin e mëparshëm.
Të ardhura nga paga, honorare dhe shpërblime të tjera nga statusi i Deputetit të Kuvendit të Shqipërisë, shuma 316 226 Lekë.
Bashkëshortja, Znj. Lea Kilica, të ardhura neto në vlerën 156 826 Lekë nga paga si punonjëse e Akademisë së Arteve Tiranë (2 muaj).
Të ardhura nga interesat bankare të depozitës në një bankë të nivelit të dytë, shuma 76 Euro./CNA.al
