Drejtori i komanduar i Parandalimit të Pastrimit të Parave ka raportuar sot në Komisionin e Sigurisë.
Agim Ismailaj tha sot se paratë e dyshimta që janë bllokuar dyshohet të jenë përfituar nga trafiku i drogës.
Sipas tij bankat kanë sekuestruar 28 milionë euro ndërsa në vit DPPP merr rreth 1300 raportime për paratë e dyshimta.
“Kemi listuar disa persona brenda Shqipërisë si të dyshuar për financim të terrorizmit. Paratë e pista po maskohen duke u investuar në biznese të reja” – mësohet të ketë thënë Ismailaj para anëtarëve të komisionit.
Sipas kreut të DPPP rreth 185 raste janë dërguar në prokurori, por vetëm 5 prej tyre kanë përfunduar në gjykatë. /b.d
