Një vajzë e re është përdhunuar, tre persona janë plagosur me thikë dhe një burrë ka vdekur nga mbidoza e drogës gjatë festave masive dhe të paligjshme që zhvillohen në natyrë, me qëllim për t’iu shpëtuar masave anti-Covid.
Oficerët po hetojnë sot edhe sulmin seksual ndaj një vajze 18-vjeçare, e cila mori pjesë në ahengun ilegal të rreth 2,000 personave mbrëmë në një zonë të Manchester.
Gjithashtu tre persona janë goditur me thikë në një tjetër parti, që zhvillojnë ilegalisht të rinjtë britanikë. Raportohet se një 20-vjeçar është gjetur i vdekur në këto evente të paligjshme, nga një overdosë droge.
Rreth 4,000 persona u mblodhën për të festuar në një vend ku mund t’i shmangeshin policisë, ndërsa të tjerët thyen ligjet e bllokimit për të festuar pranë një autostradë afër Leeds.
Dhe britanikët do të gëzojnë edhe më shumë lirinë ditën e hënë kur dyqanet të rihapen për herë të parë që nga marsi, kur qeveria vendosi bllokim.
