Britania e Madhe rrezikon të zhytet në kaos, nëse qeveria e re e Boris Xhonsonit dështon të arrijë një marrëveshje Brukselin për shkëputjen nga Bashkimi Europian.
E përjavshmja “Sunday Times” ka siguruar dokumentin e qeverisë britanike, ku përllogariten dëmet ekonomike dhe pasojat sociale që mund të shkaktojë dalja pa marrëveshje nga unioni.
Sipas “Sunday Times”, qeveria parashikon rritje të ndjeshme të çmimeve të ushqimit dhe më pak ushqime bio në tregje. Pritet të ketë mungesa të karburantit, ilaçeve, vështirësi për pacientët në përdorimin e shërbimit shëndetësor, radhë të gjata në aeroporte, porte e hekurudha, për shkak të kontrolleve doganore drejt vendeve të Bashkimit Europian, një situatë që mund të çojë popullin në revolta.
Në Irlandën e Veriut rrezikohen tensione të reja për shkak të rikthimit të kontrolleve të rrepta kufitare me Republikën e Irlandës, që ishin hequr falë marrëveshjeve si pjesë e Bashkimit Europian.
Javën e ardhshme, Boris Xhonson do të udhëtojë drejt Brukselin me objektivin për një marrëveshje të re për daljen nga Bashkimi Europian. Megjithatë, krerët e unionit e kanë bërë të qartë se marrëveshje tjetër veç asaj të arritur nga pararendësja e tij Tereza Mei nuk do të ketë, marrëveshje të cilën Xhonson, një kundërshtar i ashpër i Brukselit, e ka quajtur anti-kombëtare.
/a.r
