Çiljeta dhe Alban Hoxha po komentohen kohët e fundit për shkak të një miqësie që ka nisur prej kohësh midis tyre.
Çiljeta është e pranishme në çdo ndeshje të Partizanit dhe i ka dedikuar statuse pafund atij, portierit të preferuar. Nga ana tjetër Albani i përgjigjet me zemra e puthje këtyre statuseve. Më pas Fernando, nga Instagrami i menaxhuar nga Çiljeta i komentoi lali Albanit, duke i thënë je më i miri.
Ajo çfarë kemi zbuluar sot është edhe më e madhe. Çiljeta dhe e ëma e Albanit, janë shoqe në Facebook. Jo vetëm kaq, por ato shkëmbejnë komente dashurie dhe përkujdesi me njëra tjetrën. Në një foto të Mozës, nënës së Albanit, Çiljeta ka komentuar një zemër dhe puthje. Ka mjaftuar vetëm kjo që Mimo, siç Çiljeta e thërret t`i shkruajë: “Arivatooooo?????”. Siç duket, kjo ka ndodhur në kohën që Çiljeta ishte në Itali. Më pas Çili nuk e ka lënë me kaq, i është përgjigjur: “Akoma jo, nesër në mjes mbërrij. Të bëj tel nesër Mimi”. Historia vazhdon pasi Mimi i përgjigjet me një “Ok” dhe shumë zemra.
As Çiljeta dhe as Albani nuk e kanë konfirmuar se janë në një lidhje, por këto detaje janë vërtetë interesante. /Arkiva/a.m.
