Pas betimit mbi kushtetutë para një notereje, Arta Vorpsi është paraqitur në Gjykatën Kushtetuese ditën e sotme. Ajo ka nisur kështu punën si gjyqtare, duke shpërfillur presidentin Ilir Meta që nuk kishte ndërmend të organizonte ceremoni betimi për anëtaren e re të Kushtetueses që u përzgjodh automatikisht nga KED pasi kreut të shtetit i kaloi afati ligjor prej 30 ditësh për të zgjedhur anëtarin e dytë, pas Besnik Muçit për në Gjykatën Kushtetuese.
“Jam shumë i qartë për këtë çështje. Kuvendi është i mirëpritur të komunikojë zyrtarisht me institucionin e Presidentit, dhe jemi të hapur për të bashkëpunuar në respekt të kushtetutës dhe detyrimeve kushtetuese dhe kjo është një çështje e mbyllur dhe shumë e qartë”, tha Meta duke lënë të kuptuar qartë se nuk e njeh Arta Vorpsi edhe pse zgjedhja e saj është botuar në fletoren zyrtare. /e.s/
