Magjistratët që u penalizuan nga shorti i KLD nuk e kanë lënë vetëm me padinë për abuzim kundër institucionit më të lartë gjyqësor në vend që kryesohet nga presidenti Bujar Nishani, por e kanë dërguar dhe tek ndërkombëtarët që këmbëngulin për miratimin e reformës në drejtësi.
Ambasadorja e Bashkimit Europian në Shqipëri ka pritur në një takim magjistratët të cilët paditën Këshillin e Larte te Drejtësisë, për procedurën e shortit për propozimin e tyre.
Brënda tre ditëve skandali i emërimeve mori vëmëndjen e ndërkombëtarëve. Në pragun e ditëve kur Presidenti i Republikës, pritet te shpallë dekretet, ky takim sjell vëmëndje mbi çeshtjen reflektimit mbi këtë vendim.
Ambasadorja e Bashkimit Europian në vëndin tonë, Romana Vlahutin ka kërkuar takim me magjistratët për shkak se situata ka precipituar dhe ka marrë përmasa te paparashikuara.
Ndërkohë që pasmesdites, pritet një mbledhje e jashtëzakonshme e Këshillit Drejtues të Shkollës së Magjistraturës, ku e vetmja pikë e rendit të ditës është, masat që priten të meren ndaj KLD për jëtë çështje.
Pritet që Shkolla e Magjistraturës të bëjë publike qëndrimin e saj.
E ndërsa ditën e hënë, në orën 11:57, në Gjykatën Administrative të Shkallës së Parë Tiranë, do të mbahet seanca gjyqësore për shqyrtimin e kërkesës së magjistratëve për sigurimin e padisë, të cilët kanë kërkuar pezullimin e procedurës së emërimit të tyre nga Presidenti i Republikës, deri në marjen e një vendimi përfundimtar nga Gjykata./Tema/a.m.
