Kryeministri Edi Rama ndodhet sot në Turqi për të marrë pjesë në TRT World Forum.
Në fotografitë e publikuara në Facebook ai shfaqet pranë presidentit Erdogan.
“TRT World Forum është një platformë e njohur për cilësinë e debateve mbi axhendat globale dhe rajonale, e cila mbledh çdo vit në Stamboll politikëbërës e vendimmarrës të lartë“, shkruan Rama në postimin e tij.
Kryeministri shoqërohet në këtë takim nga ministrja e Infrastrukturës Belinda Balluku dhe ajo e Turizmit Mirela Kumbaro.
Kujtojmë se një ditë më parë Rama dhe dy ministret ishin në Azerbajxhan ku u takuan me Presidentin Aliyev.
/a.r
