Studentët e Universiteteve Publike kane njoftuar se do të protestojnë edhe sot para Ministrisë së Arsimit dhe Sportit kundër vendosjes së tarifave për provimet e mbartura.
Studentët kanë bojkotuar mësimin, ndërsa marshimi nis në oren 09:30 për t’u grumbulluar me pas në orën 10:00 para Ministrisë së Arsimit.
Përvec Tiranës, protestohet edhe në Universitet e Durrësit, Elbasanit dhe Korcës.
Këshillat Studentore të Universiteteve Publike i janë drejtuar me një kërkesë Ministrisë së Arsimit dhe Sportit, ku paraqesin 4 kushtet e tyre.
Dje ministrja Nikolla deklaroi se nuk ka patur rritje tarifash, ndersa shtoi se VKM per pagesat e provimeve te mbartura nuk ka hyre ne fuqi dhe se do jene universitetet ato qe do te vendosin.
Njoftimi i studentëve të Universitetit të Durrësit:
Nesër (sot) date 06.12.2018, ora 11:00 ne kampusin e ri Universitar, Spitall te gjithe studentet ne kembe per të drejtat e tyre.
1. Pergjysmim i Tarifave. 2 heqje e tarifave shtese. 3. Permiresim i kushteve te universiteteve 4. permirsim i kushteve neper konvikte. 5. Jo favorizim per perfitime personale.
Edi Rama poshteroi serisht studentet duke i cilesuar si ngelesa. Ne nuk jemi ngelesa por te rinj qe perpiqemi me mish e me shpirt per te mesuar. Prinderit tane marrin para borxh per te paguar tarifat dhe cmimet e rritura. Per te paguar qera shtepish e ushqime pasi ka mbyllur shume dege te universiteteve e rretheve.
Katër kushtet e studentëve drejtuar MASR:
1. Shfuqizimi i VKM nr 288 pika numër 4 e cila citon si më poshtë:
Studenti, i cilësuar në bazë të rregullores së institucionit të arsimit të lartë publik si përsëritës në një lëndë apo në shumë lëndë dhe vijon studimet në vitin pasardhës, i nënshtrohet tarifës së shkollimit për kredit për detyrimet apo lëndët përsëritëse, si dhe tarifës vjetore të shkollimit të vitit akademik në të cilin vazhdon studimet.
2. Mbështetur në nenin 99 mbi Keshillet studentore, Ligji i Arsimit të lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-te, dhe të shtohet një përfaqësues në këtë bord nga studentët.
3. Përmiresimi i kushteve të konvikteve.
4. Përgjysmimi i tarifës së studimit mbështetur në nenin 99 pika 5 (Ligji I arsimit të Lartë).
a.çupaj
