Nga çadra e protestës, kreu i grupit parlamentar të PD-së Edi Paloka ka deklaruar se Rama është më i vetmuar se kurrë më parë në politikën e tij, ndaj dhe tenton të korruptojë aleatë vendas apo të huaj.
Duke ju referuar ekzekutimit të komisarit Artan Cuku, Paloka tha se prej kohësh tashmë, shteti që drejton kryeministri ka lënë në dorë të krimit policinë.
“Sot është më i vetmuar se kurrë, pavarësisht se nuk ka hequr dorë nga arroganca, nga sjellja e tij prej injoranti politik… sot ai është më i vetmuar se kurrë dhe për këtë arsye po përpiqet të blejë dhe korruptojë aleatë brenda dhe jashtë Shqipërisë.
Një situatë kriminalizimi që cdo ditë rëndohet më shumë. Përditë, krime, vrasje, atentate, sic ishte edhe ai i vrasjes së Artan Cukut.
Ky shtet, Edi Rama jo vetëm që e la në dorë të krimit por edhe e nxori në pritë për krimin, sepse është i lidhur me krimin, ata janë e vetmja shpresë për të dhe pastaj flet për media kazani për ndërkombëtarë që luftojnë atë ndërkohë që me paturpësi ka arritur deri aty sa me paratë e drogës, me lidhjet mafioze të tentojë të korruptojë edhe të huajt.”-tha Paloka.
