Kryeministri, Edi Rama, është duke zhvilluar në këto momente një takim me kryetarin e Kuvendit Ilir Meta në Kryesinë e Kuvendit. Takimi mes tyre vjen në një moment jo pak delikat po të kemi parasysh se dy ditë më pare Rama shkarkoi ish ministrin e Drejtesis, Ylli Manjani, një personazh ky me profil të lartë brenda LSI. Nga ana tjetër kjo javë ka pasur në epiqendër edhe jo pak përplasje në nivel parlamentar mes deputeteve të LSI dhe atyre të PS. Vetëm nje ditë më parë Meta në një konference shtypi u përpoq të shuante zërat kritik brenda partisë së tij, por nga ana tjetër nxori ne pah se LSI është një forcë politike që nuk mund të shpërfillet.
