Mesfushori i Liverpoolit, Xherdan Shaqiri, ka rezultuar pozitiv me koronavirus. Konfirmini vjen nga Federata Zvicerane e Futbollit (SFV)..
28-vjeçari ishte grumbulluar me përfaqësuesen helvete për ndeshjet e Ligës së Kombevee e tani duhet të qëndrojë në izolim.
Futbollisti nga Gjilani bëhet futbollisti i tretë i Liverpoolit i infektuar me COVID-19, pas Thiago Alcantaras dhe Sadio Manesë.
Shaqiri ka luajtur një herë për “The Reds” në këtë sezon, në Carabao Cup ndaj Lincoln më 24 shtator.
Në deklaratën e Federatës Zvicërane të Futbollit, për rastin e Shaqirit shkruhet: “Po bëhen sqarimet e nevojshme me autoritetet lokale shëndetësore rreth mënyrës se si të procedohet”.
Në Zvicër, njerëzit duhet të qëndrojnë në izolim për të paktën 10 ditë nga momenti i shfaqjes së simptomave apo i vërtetimit të infektimit me Koronavirus.
g.kosovari
