Kryetari i Kuvendit, njëherësh, kreu i Lsi Ilir Meta ka dhënë një deklaratë për mediat pak pas mbylljes së seancës ku u zhvillua raundi i dytë i zgjedhjes së presidentit, që ashtu si i pari u ezaurua pa asnjë emër. Meta tha se deri të enjten kur mbahet raundi i ardhshëm, është koha e mjaftueshme që edhe opozita të bëhet pjesë e procesit.
“Konferenca e kryetarëve vendosi që raundi tjetëre për zgjedhjen e presidentit të zhvillohet të enjten e ardshme në orën 15.00 dhe shpresojmë që është kohë e mjaftueshme për të mundësuar dialog të mundshëm me opozitën edhe për zgjedhjen e presidenti por edhe për të tejkaluar çështjen e gjithë klimës për të zhvilluar zgjedhjet e ardhshme. Në këmbëngulim për dialog dhe konsensus dhe nuk duam të paragjykojmë mënyrën e reflektimit të opozitës. Shpresojmë që edhe opozita dëshiron një president që vjen përmes bashkëpunimit dhe konsensusit”, deklaroi Meta.
I pyetur nëse Lsi do krijojë koaliciuon paszgjedhor me PS, duke u nisur nga fakti që afati për regjistirmin e koalicioneve u ezaurua, dhe KQZ nuk ka dhënë ende një vendim nëse pranon shtyrjen e afateve të regjistrimit, Meta dha këtë përgjigje.
“Çështja kryesore nuk është koalicioni por është dhënia kohë e PD dhe partive opozitare që nuk janë regjistruar as si subjekte politike. Ky është thelsi i kësaj iniciative. Sa i takon vendimit të institucioneve është çështje e tyre”, tha më tej kreu i LSI./a.m.
