Opozitarët kërkuan prezencën e kryeministrit Edi Rama për të dhënë sqarime për Draftin e propozuar për asosacionin dhe qëndrimin e qeverisë shqiptare në konfliktin tashmë të përshkallëzuar mes Kosovës e Serbisë.
Por Edi Rama nuk është i vetmi në listën e opozitarëve që duhet të japë shpjegime për cështjen e Kosovës.
Deputetët e Partisë Demokratike në Komisionin e Sigurisë Kombëtare kanë kërkuar që drejtuesja e SHISH, Vlora Hyseni të japë gjithashtu sqarime lidhur me pozicionin e Shqipërisë për atë që po ndodh në veri të Kosovës.
Seanca dëgjimore me Vlora Hysenin pritet të mbahet të hënën kur në Komisionin e Sigurisë Kombëtare do të paraqitet edhe raporti për vitin 2022 i Shërbimit Informativ Shtetëror.
Kërkesa është përpiluar nga deputeti Ferdinand Xhaferraj teksa është mbështetur nga të gjithë deputetët e opozitës në Komision.
Raportimi i së hënës para deputetëve të opozitës, do të jetë i pari i Vlora Hysenit që prej marrjes zyrtarisht të detyrës në krye të SHISH në prill të 2023 dhe reagimi i parë i institucionit më të lartë të sigurisë në vend për cështjen e veriut të Kosovës.
Kërkesa e opozitës për seancë dëgjimore me Kreun e SHISH vjen disa ditë pasi deputeti Flamur Noka kërkoi informacion zyrtar mbi një vizitë të pretenduar nga Sali Berisha të Vlora Hysenit në Beograd.
/a.r
Kjo eshte tani me se provuar se edvin k/hajduti,me shefen e shish kane urrjtje ndaj Z Albin Kurtit,kta te dy jane te pa meshirshem per Albinin e kosoven.Opozita ne kuvende nuke eshte vetem per folur brockulla,duhet me pa tjeter,kta te dy te japin dhogari pera kuvendit per ngjarjet ne Kosove.Ka shume mundesi qe kta te dy te ndihmojne kriminelin vucic kundra Kosoves e kosovarve.