Primaret e Sali Berishës duket se nuk po shkojnë në rrugën e duhur. Pas shtyrjes së afatit për kandidatët që duan të hyjnë në primare për bashkinë e Durrësit dhe të Elbasanit, eshte dhënë nje dorëheqje tjeter, pas Qiricit te propozuar per primaret perzgjedhese te kandidatit per kreun e bashkise se Korces.
Nje nder zerat me pro Berishes gjate “foltoreve” Aulon Kalaja ka dhënë dorëheqjen si kandidat për bashkinë e Krujës.
Ai ka zgjedhur të mos futet në kandidim për primare. Këto largime nga primaret e Berishës vijnë pas lënies së mandatit të 2 deputetëve të PD, Grida Duma dhe Alfred Rushaj.
Postimi i Kalasë:
Të dashur qytetarë të Fushë-Krujës, Krujës, Thumanës, Niklës, Bubqit dhe Cudhinit! Të dashur demokratë! Dua të falenderoj secilin prej jush që më propozoi mua si kandidat për Kryetar të Bashkisë Krujë, po ashtu për telefonantat e mesazhet tuaja.
Dua të ndaj me ju vendimin që kam marrë, për të mos kandiduar për kryetar Bashkie në Krujë, por duke inkurajuar primaret dhe mbështetur fushatën.
Ndërkohë që vendi po lëngon dhe shqiptarët po ikin nga sytë këmbët, qeveria po sulmon dhe gjënë më të shenjtë për ne, familjen
. Ndaj kauzat që janë ekzistenciale për një patriot, janë lufta kundër politikave të shpopullimit dhe mbrojtja e familjes. Prandaj, takohemi në protesta./m.j
