Komisioneri Johannes Hahn, do të zhvillojë sot një vizitë në Tiranë.
Lajmin e bën të ditur ambasadori BE në vendin tonë, Luigi Soreca, përmes një postimi në twitter.
Sipas ambasadorit Soreca, takimi mes kryeministrit Rama dhe Hahn do të jetë për vlerësimin e reformave që do të ndiqen në vazhdim. Pritet që komisioneri Hahn të mbërrijë në Tiranë mbrëmjen e sotme.
Fillimisht komisioneri i BE, do të zhvillojë një vizitë në Prishtinë, ku pritet të takohet me kryeministrin e Kosovës, Ramush Haradinaj, ku do të diskutohet për bisedimet me Serbinë dhe taksen e vendosur nga Kosova.
Lajmi bëhet i ditur edhe në uebsajtin e Komisionit Europian
“Në Prishtinë, komisioneri do të takohet me Kryeministrin Ramush Haradinaj dhe në Tiranë me Kryeministrin Edi Rama për të analizuar përpjekjet për reforma.”
Javanews/a.cupaj
