Kreu i Partisë Demokratike, Lulzim Basha do të fillojë sot një tur takimesh në qytetin jugor e Sarandës. Basha do të qëndrojë dy ditë në Sarandë ku do të takohet me të rinj, qytetarë, fermerë dhe me bazën e partisë.
Vizita e Bashës vjen menjëherë pas përplasjeve të kryetarit të PD-së në Sarandë, Hariz Mema, me bazën e partisë, shefa departamentesh dhe militantë.
Hariz Mema, kreu i PD Sarandë
Kreu i PD Sarandë, Hariz Mema, kërcënoi me jetë në telefon një prej militantëve demokrat vetëm se kishte kritikuar kryetarin Mema në rrjetet sociale. Menjëherë pas shpërthimit të skandalit, Hariz Mema nisi hakmarrjen dhe ka shkarkuar nga funksioni Valter Lapën, avokat dhe shef departamenti në PD Sarandë, Ylli Piro, shef departamenti dhe ish-kryetar i PD Sarandë dhe Shpëtim Ahmetin, kandidatin për kryetar i PD
Axhenda e Bashës në Sarandë
Burime për citynews thanë se kreu demokrat Lulzim Basha do të takohet sot me të rinjtë e qytetit rreth orës 19:45 te “Limani” në Sarandë. Së bashku me të rinjtë, Basha do të drejtohet tek “Grand Hotel” për të vijuar diskutimet.
Ditën e nesërme, në orën 11:00 kreu demokrat Lulzim Basha do të zhvillojë një takim me qytetarët e Sarandës tek shatërvani i bashkisë.
Në orën 16:00, Basha do të takohet me fermerët e Konsipolit për të dëgjuar shqetësimet e tyre.
Më pas, rreth orës 19:00, kreu i PD do të mbledhë strukturat e partisë për të diskutuar përplasjet e fundit mes bazës dhe kryetarit Hariz Mema. Në fokus të diskutimit do të jenë edhe zgjedhjet lokale të vitit 2015, ku sipas raportit të grupit të punës 50% e strukturave ishin jo aktive dhe fiktive. Përgjegjësia bie mbi kryetarin e degës së PD në Sarandë, Hariz Mema.
PD mori në zgjedhjet lokale të 2015-tës vetëm 13% të votave dhe kandidati 47%. Ky rezultat skandaloz detyron Bashën të ristrukturojë degën e Partisë Demokratike në Sarandë.