Pas kthimit nga vizita zyrtare që zhvilloi në Ëashington, kreu i SPAK Arben Kraja u takua këtë të mërkurë me ambasadoren amerikane në vendin tonë, Yuri Kim.
Ishte vetë ambasadorja e cila teksa përcolli këtë foto shkruajti: “Kënaqësi të mirëprisja shefin e SPAK, Arben Kraja pas vizitës së tij zyrtare në Washington, e cila forcon më tej bashkëpunimin SHBA-Shqipëri në luftën kundër korrupsionit dhe krimit të organizuar. SHBA do të vazhdojë të mbështesë fuqishëm punën e SPAK dhe institucioneve të tjera të reformës në drejtësi”.
Pleased to welcome back SPAK chief Arben Kraja after his official visit to Washington, which further strengthens 🇺🇸🇦🇱 cooperation in the fight against corruption & organized crime. 🇺🇸 will continue to strongly support the work of SPAK & other institutions of justice reform. https://t.co/vFc2vRFBJZ pic.twitter.com/IRwuoYf27H
— Ambassador Yuri Kim (@USAmbAlbania) August 24, 2022
Kujtojmë se një ditë më parë Ilir Meta e cilësoi kreun e SPAK si spurdhjak të mazhorancës. Kjo deklaratë pas lajmi se Ilir Meta ndodhet nën hetim nuk u prit mirë nga ambasadorja amerikane e cila pak më vonë tha:
“Kërcënimet për prokurorët dhe gjyqtarët – dhe përpjekjet e tjera për të prishur reformën në drejtësi në Shqipëri, nuk duhet të pranohen më si “normale”.
Kjo sjellje nuk i përket një vendi që është në NATO, ka hapur negociatat për anëtarësim ne BE dhe është ulur në Këshillin e Sigurimit të OKB-së.
Për një kohë të gjatë, të pasurit dhe/ose të fuqishmit kanë besuar se janë të paprekshëm.
Tani ata janë të shqetësuar, mosndëshkueshmërisë së tyre mund t’i vijë fundi. Ndërsa reforma në drejtësi zbatohet dhe jep gjithnjë e më shumë rezultate, do të bëhet më e qartë dhe më e qartë se askush – ASKUSH – nuk është mbi ligjin”
e.d
